Aski
Ki ocitapan kitci okimaw tapwe masinahikaniw e witak tan mia e iskotik Kitaskinoni apitc 8 Kakone Pisimw 2014. Enko tca owe aski masinahikan ka ki oriparitc ni apitc.
Nitaskinan
Atikamek SIpi - Kitci okimaw Atikamekw Nehirowisiw Iriniw ka kackitatc kitci otatcihitosotc otaskik kaie kaskina neta ka acterik, aci ki nte mitcetiwok. Micta micariw okiskeritamowina, Nehirowisiw, askik ka ici tapitinik kaskina kekwariw. Wir tca tipirowe nanakitcitaw otaski aka kitci onactakiniwonik kaie mocak kitci kictertcikaterik. Mocak ki pe matisiw neta e ki nosinetatc ka pe asitakorik. 8 Kakone pisimw 2014 Tipatcimoi kitci okimaw Atikamekw Nehirowisiw aci e witakik minawa e tiperimitisotc kaie e tiperitak
otaski ota ka masinaterik aski masinahikanik. Tataw e ki pe takociniritci emitcikocica, erikam kirowe nte apicaciniw otaskiwaw.
PISKASKITE
Atamatawak
Kirowe otamik askik nte piskarew, kirowe tca kicapiskisikew nac nte mitowi e otek nipi e isparik. Tetipaparin e pekopeparik ka kicakimitek nehe tca ka copectek atamipekok isparin, ekote tca e otci tetipaparik. Ekote tca peikon e isparik piskaskite nac e pactek, ekote e otci ocitaparik aski.
Tipiskipisimw ote pa otcipariw micta miskomik (meteorite), ki tawickam weckatc ota takamekoriw (aski) nac ki nestci tetipaparictak.
Aci awacmec 4 600 000 000 tatopipona nehe ka ki iciepak.
Mocak rikiparik aski, pitakeparin aric kirika kweskate. Ekote e wetci atciparik kaie kwekon tataw e sititik matci e mitetek ka matanak, piskaskite ka otciparik kaie
piwapiskw.
