ATISOKANA

Atisokancic

Awacak ka mawotce atisokatakaniwitcik

Kitci Atisokan

Mitceno atisokana ockinikiw otci

Tipatcimowina

Ka natowi kiskeritcikateki kiapatc otananik

Iriniwok

Atikamekw Nehirowisiwok ka ki miro kiskeritakositcik

28_janvier_2021_onf-01.jpg

2 - Ickote e otciparik

Aci weckatc nehe atisokan, epitc weckatc nama peikw iriniw kita kickitapan kitci mikowitc neheriw wircike.  Peikon aric, ki maka isparin nehe aci, miswatc aka e kiskeritakok tan pitc mia matci kaie tan nte mia ka itci isparik nehe, nehe peikon nika atisokan ka ki ici atisoketcik ka kiciatisitcik.

Ni apitc, micta iriniwok neta tacikepanak, okititin kaskina tacikewokopan, kirowe anotc icpatanarikopan wirowaw ni apitc.  Mitcet nipasiwokopan, nama aric wiskat kitci otci nipawok.  Kekwan wetci, na ma awik wiskat kitci kiskeritam, epitc aci nehe weckatc ka ki isparik.

Ni apitc, miro nokosipan pisimw, nama aric kicasikekopan tapwe askik.  Kaskina tca kirika Iriniwok apitcitapanak awihiniriw.  Tan mia e icinnakonikopanen, nama kipatc neta kiskeritakon nehe.  Nehe ka ki itwaniwok, airmatc awacmec nicto mitana matci kaie nemitana maskowan irikik kitci ki wikasimitc peikw micta Iriniw.

Kecpin ko e kimiwonikoponen, micta koctasinakonikopan.  Iriniwok, awesisak peikon kewir pisimw kasokopan.  Ki aric micta copecteriw e kimiwonik, ki pamiskateritamowokopan neheriw e isparinik nac ki nte tawok kotakihik mictikok ka mirositcik, nama aric kiapatc kiskeritakon awin mictikw nta ka ki taritci.

Aci maka peikwaw ki micta kice kimiwoniw, Iriniwok kasowokopan atamsakik e ici actamacterik e kice matanarik, takonikopan ke ici kasotakik kecpin e mitci kicikarikoponen, ki maka micta onimiskiskariw, mia tca pismok e otciparinik nte e nta pitakeparinik ka ici mawotce icpatanarik itekera neheriw ickoteriw.  Ki kiciramoteriw ka ickwa isparinik nac e poniparinik e kimiwonik.  Ekoni apitc minawa ka sakasiketc pisimw, nac e kicitek askik.

Neki Iriniwok ka ki wapapitakik neheriw micta ickoteriw e ici pakitinik ki nantowapapitamowokopan okititin.  Nama kekwariw kitci miskamowokopan, mitcet ki pe noski kiwewok ka ici kapecitcik, pekatc ki pa matasiwokopan.  Aci aric ki maninamok awihiniriw ka wikasimitcik aci maka kiciterikopan.  

Peikw neta iriniw ki tacikew okititin kirika witcicana kaie okoma.  Tataw kiciko ki icaw taci ka ki ici paskisikeritci onimiskiwa nac peikwa ki kotci warikikew e ici mickociwonik, ekote ka tci takanak neheriw nictam.  

Kaie na kiskeritakonokopan piwapiskw ni apitc, kiapatc asini kaie oskan apatanokopan. Ki maka otamapskowew asiniwa, ekote ka otci wapapitak e ki piskareparinik.  

«Aci» itekopan maka.

Pisiko maka e nanatwamatc witc iriniwa e wi nta witamowatc ka ki ici miskak.  Nama awik ki tci tapowetowew.  Ki aric kackitakopan peikw kitci matcetatc piwapiskoriw e nta kowetcitowoketc, nac ki kackitaw kitci iskohowatc otikona e pasoritci kaie e miro piskaretitatc.

Aci tca neta, ki miskatekopan ickote nac kaskina awik ki nte miro apitcitaw.  Nama aric kiskeritakon tan pitc mia ka ickwa micta kinowaskositcik iriniwok.
 

kinoke_marque-01.png
Masinahikan
Ota otciparin : Les récits de notre terre - Les Atikamekw - Daniel Clément