Notcimik - Kitikanak ota ka tatcik
Notcimi mitcim
Minic
Minic ka ici ntwakik. Enko anaha cowemin ka waseskonesitc taw kaie ka makatewsitc minic. Cicisiw tca anaha itekera minic. E matce nipinik iti nitawokiw nac e mi takwakinik aci tca neta mirosiw kitci mowakaniwitc.
Wamin
Wamin ciwominan ni naha nakwi acinakosiw kirika nakwi aeispokosiwok. Enko na wamin ka mowakiniwitc aicinakosiw mikosiw kirika ocawackan kaie acawaciciw. Naha wamin takoniw kewir ka ocakaitc ekweriw neheriw wiaw.
Mikominan
Mikominan waiesiciw kaie ke mikociw tawok papitoc ka icinakositc nicowaso kirikik. Kepitc apicicitc arimatc minatcihakiniwiw e mockinakiniwitc kitci ki mirositc e mowakiniwitc pemantcic sisiw kaie ciwowsiw.
Pakanatikw
Mictikoc ka nitawokitc pakanak kirika ka osikatek onoskwatikwa kecpin awik e akositc otehik.
Otehimin
Kitikan mitcim mictikok ici ntwakik. Patoc e nipik pe kitokiw. Arimatc kita mikosiw kitci mockinakiniwitc kirika kitci mowakiniwitc.
Meckekominan
Apiciciw, mikosiw, kaie waiesiw. Mowakiniwiw matci iskwew e akositc witcihiko tca. Ote kirowe ici nitawokiw mickekok nipiriw meka mictahi apitcitaw kitci ki nitawokitc. Patoc tca e iti ickwa takwakinik mirosiw matci kaie mekwatc e iti miroskaminik mirosiw.
Miskominanatikw
Notcimik e iti aripetinarik ici nitawokino anihi mackikiatikwa. Awik ka micta aieskositc kinec eki motetc kekotc awacic mekwatc e kotcitatc kitci pimotetc. Osikatew anihe nipi ekotca e ici pakopehikatek anihe e ici orakeskowitc.
