E aicinakok askik misowe mickoci nac mictikok - végétation
Kiwetonok tepirak mickoci takon, kaie miskomi, Toundra, icinikatcikatew. Tacikewok neta awesisak miskomik kaie nipik. Tawok tca ka mitcitcik mickociriw. Minawa cawonok itekera, aci tawok neta mictikocak, kaie mickoci. Tawok kirowe neta aci awesisak ka mitcetockatcik ko, kekotc nipik matci kaie askik. Ekote kirika e matce tatcik awesisak ka miretcik. Ekote pe askoretcik e ickwa cawonok pimatisitcik. Niskak mitowi. Nisitowinakon e ici mitiki, e weak, neta itekera micta wackamak (Hudson). Enko nehe weckatc (volcan), ki actowepowew atamik ki isparik. Itewok ka taciketcik neta waska nehirowisiwok, petakon kekwan kaie kekwon aska. Ickote neta ki otciparin micta weckatc, iteriwa ka kiciatisiritci. Minawa ka ocawamikok, ekote ka ici icpatanak notcimik, tawok neta mitca kice mictikok, Sequoia, icinikatakaniwok. Awesisak micta micikitiwok kaie ocki matanak nehe. Micta kickapiskaw napitc kaie tcakapiso kon okitc. Minawa, kitikan aski, prairie, tatakwaw mictahi e micak. Mitcet mitcim neta kitikaniwon. Cawonok ici actew, ekote e itactak ka kicitamorowek (El Nino) kaie ka kimiwok nikapehonok e otactak. Minawa, notcimi ka mawotce micak, ekote kirano mia e icinakok, enko ni wetci itetcik, tekci e rikokowaskamikak Kanata aski Nehirowisiw kipa tacikew. Wir neheriw otaski tarasak omocoma. Mitcetiwok neta awesisak kirowe kaie mictikok acitc cikopiwok. Ekoni pekon kirowe cawonok, micta sakihikanan kaie kitci sipi ka ici mitiki. Cikopiwok kaie mictikok ka pinaskitcik e takwakik. Irinatikok micta mitcetiwok neta kirika wamin kitikanak. Minawa nehe cawonok ka mikwacik aski masinahikanik, nama tawok neta cikopiwok. Tepirak ka pinaskitcik e takwakik kaie minic acitc wamin kitikanak.
Mictikok
Ota Kanata askik, awacmec nicw tawok ka mawotce mitcetitcik mictikok tekci e irikokwaskimakak Kanata aski. Neki kirowe ka mawotce mitcetitcik, enko niki ka cikopiwitcik kirowe, micta miro mickikowatakok kaie enko kictapitisit nehirowisi irapitcitcikan e ocitakaniwok. Minawa ka pakikowitcik, nipiciriw ka takonik nac e pinaskik e takwakik. Kaskina kictapitisiwok, kirano otci kaie awesisak. Mictikw ka mawotce kiciatisitc, awacmec 10 000 tatopipona e tatc kaie ka mawotce mitcaskositc (42 m circ.), naha mictikw nete cawonok apic ka ici kicitek kirowe, awacmec 3 000 tato pipona aci neta apitc (Mexique). Tawok tca kaie ka mawotce kinowaskositcik (115 m) awacamec peikon kewirowaw 3 000 tato pipona e tatopiponesitcik. Ote itekera nikapehonok apikw ka ici icpatanarik.
Irinatikw e isparitc e miroskamik nac kitci otcikowikaniwok
Kitci ki ciwokamicik, nehe mowotcihitamikon waska ka ici minikowetc tataw pipona.
Otatcikew irinatikw e tipiskarik, e kisinarik.
Sitapariw waska nte wikwasik, ekote e otci otcikowitc e kiponewohakiniwitc.
E nipik nac nte osawaw nac kirowe mikowacin
Irinatikw
Mictikw ka takonik wapikonim, kaie nipiciriw. Pinaskiw e takwakik. Ekote e otciparitcitc cawonok itekera, micta kice kictapitisiw. E ici matinak ici nitwakiw kaie e icpatanarik. Kecpin e miroskamanik, micta minikowew e tipiskarik, micta tca otcikowiw e cenakaniwitc et otcikowikaniwok. Irinatikwapo tca icinikatew.
Naminas
Pikiwosikan
Pikotanikan
Sisipasikot
