top of page
manawantitre-01.png

1921 nac 1930

Ani apitc 1924 ka tato piponikak, ki atci okimakaniwon, Seni Newashish ki pitakew.  Otawia, Nrowi Newashish ki tapickowew. Wapikon pisimw 1928, ekoni ka iti ocitakaniwok nictam kiskinohomatokamikw, 4 kekotc 5 pisimwa tepirak pitakewakopan awacak, otehimin pisimw nac wiec namekosi pisimw.  Ka ki kiskinohamowakaniwitcik, kitci emitikoci tapwatciketc acitc kitci masinahiketcik, kitci akitasotcik. Kitcitaw atisokaniw kirika e kitikaniwonik mitcimiriw ki ici kiskinohamowakaniwiwok, erowek pitoc ki iti icinakoniw opimatisiwiniwaw. Tepirak tca ki niciwok nictam ota ka ki pe nta kiskinohomaketcik iskwewok, peikw neta, 1929 ka tato piponikarik ka takocinokopanen, 22 tato pipona ki tacikew.  132 wiec tacinaniwonokopan ota Manawan, kiskinohomakanak tca e taciwakopanen, 35 askowi kaie 80. Coria ka pikitik, kotak kekocica ki noteparino, mitowi otamirowin, kiapatc tca ki nokoon akosiwin e takok ota, ka kisisowapinaniwok kaie opaninak ka ki akosinaniwok, mitcet kiapatc iriniwok ki tcakipinewok ani apitc, e matce irakaniwitcik ka akositcik, micta mitceto pipona nama petakaniwan tan e ititcik, nama witcihakaniwiwakopan kekotc ma osam pwacta witcihakaniwiwakopan. Mitcim kaie ki noteparin Kitci atawe irinik, ani apitc.  Ka okimakaniwok, Sepier Etcakwan ki pitakew ani apitc 1930.   

Manawan 1921 nac 1930
Simon Ottawa
Simon Ottawa

Kice mitceto pipona ki okimawiw, 1934 nac 1959. Source : Archives Gilles Ottawa

press to zoom
Aiamihe mikiwam
Aiamihe mikiwam

Source : Archives Gilles Ottawa

press to zoom
Sepier Etcakwan
Sepier Etcakwan

Sepier Etcakwan ki okimawiw 1930 nac 1934.

press to zoom
Simon Ottawa
Simon Ottawa

Kice mitceto pipona ki okimawiw, 1934 nac 1959. Source : Archives Gilles Ottawa

press to zoom
1/9

1931 nac 1940

Wipatc e ki iti tcakihakaniwitcik, ki kitikaniwon tarasak amiskok, kice okimaw Opictikweak ka ki oracowetc aniheriw.  Tekaci nama acterikopan awik kitci nipahatc amiskwa, Manawani Iriniwok kaie wirawaw.  1934 aci minawatc nokon e iti manikaniwok ota otenak.  Kotak ka iti pipok, aci pitoc wi iti totcikatekopan e okimakaniwok, aniheriw e ocki apatanik okimakewiniw, Simon Ottawa ki pitakekopan. 1937, epitc tca aka tawakopanen awesisak, aka kaie ki miro atoskaniwonokopanen, itekopan Charles Kwichish e masinahamowatc mekatekorewa : « Ni kitimakisinan mictahi osam misakitakon mitcim, pot ki ka wapaminawaw nipike, aka nipoane, aka kawakateane… ». 1904 ka tcimatakaniwokipan  nictam, 1940 ka pikwactak aiamihemikiwam. Kiapatc riskipew aski ota Manawan, mekatewokoretc ki kotci witcihiwew, aric ma nte kice okimanak nama ki otci wi otamirotakiniwon awacmec.    

Manawan 1931 nac 1940
bottom of page