top of page
manawantitre-01.png

1961 nac 1970

Arimotcikatew pemantcic kitci takokipan kotak atawekamikocic ota Manawan.  Kaie wi iti pakitinakaniwakopan marotc nehirowisiwok ota kitci wi mihitisotcik tipirowe, aric ma kiapatc kata nanakatcihakaniwipanak kwiskw kitci wi totakik, itewokopan okima arotakanak. Kakone pisimw 1962, aci atcickawok Pikogan otenak itekera ka ki ici pitaketcik Peikwakamik tca aci kata ici nta kiskinohamowakaniwiwok, 10 ki taciwok nictam ka ki matcatcik. 1963, okima arotakan masinaham osam misakitakonik iskwewa e nta onitcaniciritci mamik otenak, osam kinec e tacikerikwena peikon kaie wir mictikoke iriniw e iteritamokopanen Kesik otakosiwokamikok e iti moteritci anihi iskwewa.  Ka iti takwakik 1963, ekoni apitc ka pe acokamewotasotc kitci atawe iriniw ota Manawan. Minawatc masina hikaniwoc pitcerak nete Sanmaur otci otohotakaniwon. Kinec ki miwitapan anahwe Salomon Tcipe, ote ko e ici natcipatwaspan Etcipanik aniheriw masinahikaniwociriw. 1965 ka arimomakaniwitc nehirowisi kickahaskwe iriniwok, irikik ka ki pe kanewitcik e otamirotcik, awacamec nicowaw ki iskwatowipariniw kaie tca ka ki ici kackitawaspan nictam ka ki akitcikaterik, aci tca 127 000,00$ isparinikopan peiko pipona irikik.  Ka iti takwakik, kotak ocki meskanaw ki tcitcicimotakaniwon ote itekera Mattawin.  Kiapatc 1965, aci takon mamawitcihitowin, Association des Indiens du Québec ka ki icinikatcikatek.  Manawani iriniwok ki ici posiwok neta kewirowaw, Isidore Ottawa okimawipan ani apitc, octesa Pierre e ki tapickowaspan ka pe okimakaniwonik, peiko pipona otananik, 1964.  Harry Flamand ki nta witcihekopan ka ocitakaniwonik kice okimaw Ka Waparik omasinahikan.  1966 aci ka takok takapikenikan ota kaskina mikiwamiskak ki itapiketcitcikaniwon, « kirowe nipi kirika onimiski ickoteapi ki actakaniwok » ki itewok atita Manawani iriniwok.  Ohwe ka ki pe nipa aiamihananiwok, kaskina awacak, Peikwakamik ka ici pitaketcik, pe kiwewok, mitcerak anihwe ka ki nokok e totwakaniwitcik.  Ka iti 1967 tato piponikak, aci tawok iskwewok e nta onitcanicitcik nete Joliette itekera. Cooperative Atawekamikocic e ki cenikatek, ici coriakemakonokopan 53 000,00$ peiko pipona irikik.  1968 itwaniwonokopan kitci nicowaw iskwatowiparik wiec, 100 000,00$, ani apitc kiapatc ki okimakaniwonopan, ocki okimaw tca ki arakaniwiw, Wellie Flamand, Mikiwamikaniwonokopan kiapatc, Edmond Ottawa itakaniw kitci tiperitak kiapatc, 12 taciwakopan mikiwanike iriniwok.  Minawatc kotakik, ka ici otamirotcik, 40 taciwakopan ka atoskectawatcik mictikoke iriniwa kaie tca 15 ki ici akimakaniwakopan pamohoriwe iriniwok. Tekaci ka waskorowek meskanak, orowitimik, Manawan, ekoni apitc 1969 ka tato piponikak, nicw kiskinohamatokamikwa kaie ki ocitakaniwono.  Kakone pisimw 1970, aci minawatc ocki mekatewokorew takocin, Couture ka ki icinikasotc, ekoni apitc ka iti nictam nataweritakik Manawan iriniwok kitci ocitakaniwonik meskanariw, Matawak nte itekera kitci pe oticimonik.  Osam misakitakono kekocica, e peikocik atawekamikw itewakopan.  Aci wirata wi iti nokonokopan kitci takok kotak atawekamikocic, Wisaketcakw tca ki kotci cenam wirctam, notcinanikamikocic kaie neta takonikopan.

Manawan 1961 nac 1970
Atawewikamikw kaie mitsokamikocic
Atawewikamikw kaie mitsokamikocic

Joseph Etienne Ottawa «Wisaketcakw» ki cenaham atawekomikocic kaie mitsokamikociriw. 1967

press to zoom
Wellie Flamand
Wellie Flamand

Wellie Flamand nicowaw ki okimawiw. 1968 nac 1972 1974 nac 1976

press to zoom
Isidore Ottawa
Isidore Ottawa

Isidore Ottawa ki okimawiw 1964 nac 1968.

press to zoom
Atawewikamikw kaie mitsokamikocic
Atawewikamikw kaie mitsokamikocic

Joseph Etienne Ottawa «Wisaketcakw» ki cenaham atawekomikocic kaie mitsokamikociriw. 1967

press to zoom
1/9
bottom of page